У працэсе фарміравання навыкаў элементарнай працоўнай дзейнасці развіваецца пазнавальная цікаўнасць выхаванцаў, адбываецца засваенне пэўнай сумы ведаў, што забяспечвае рацыянальнае і майстэрскае валоданне дадзеным відам працы.

Праца — важны сродак духоўна — маральнага выхавання, таму што яна падручнік маралі, а працавітасць — крытэрый маральнай ацэнкі асобы. Сумленнасць, праўдзівасць, сціпласць, павага да людзей, ашчаднасць, цярплівасць, упартасць у пераадоленні цяжкасцей, дысцыплінаванасць — вось няпоўны пералік маральных якасцей, што фарміруецца ў працэсе далучэння да працы і ў ходзе яе.