12 кастрычніка 2018 года ў дзіцячым садзе адбыўся бацькоўскі сход «Аб супрацоўніцтве дашкольнай установы і сям’і ў 2018/2019 навучальным годзе. У рабоце сходу прыняла ўдзел педагог- псіхолаг ДУА «Ліноўская сярэдняя школа» Вараб’ёва Н.І.. Яна выступіла з прамовай на тэму «Псіхалагічнае здароўе дзіцяці». Аб асаблівасцях работы па забеспячэнню ўмоў бяспекі жыццядзейнасці выхаванцаў у дашкольнай установе гутарыла загадчык Волкава А.В.
12 кастрычніка ў нашай дашкольнай установе адбылася забава, прысвечаная Дню маці «Кірмаш для матулі». У мерапрыемстве прынялі актыўны ўдзел бацькі.
З мэтай удасканалення ў выхаванцаў навыкаў беларускага маўлення і маўленчых зносін, ажыццяўлення нацыянальна-культурнай сацыалізацыі дзіцяці, фарміравання яго нацыянальнай самасвядомасці наша дашкольная ўстанова актыўна супрацоўнічае з Аранчыцкім Домам фальклора. Нашы выхаванцы наведваюць і прымаюць удзел у мерапрыемствах, дзе гавораць толькі на роднай мове і толькі з любоўю да яе. У дзіцячы сад часта прыходзяць са сваімі беларускімі народнымі песнямі удзельніцы (сярод іх і выхавацель дашкольнай адукацыі ДУА «Аранчыцкі дзіцячы сад №16» Ламан А.К.) народнага фальклорнага гурта «Бабіна лета».
У адукацыйны працэс уключаюцца народныя беларускія гульні, танцы, песні, казкі, праводзяцца фальклорныя святы і забавы.
Ва ўстанову дашкольнай адукацыі прымаюцца і выхоўваюцца дзеці з в. Аранчыцы і аг. Лінова.
Паважаныя бацькі! З 16 па 22 верасня пройдзе Еўрапейская нядзеля мабільнасці і акцыя «Дзень без аўтамабіля»
Прапануем прыняць асабісты ўдзел у акцыі, адмовіўшыся ад выкарыстання як службовага так і асабістага транспарту 22.09.2018года.
